Serbiya prezidenti Aleksandr Vuçiç və Rusiyanın Belqraddakı səfiri Aleksandar Botsan-Xarçenko ABŞ-ın NIS-ə (Neftna Industrija Srbije) qarşı sanksiyaları fonunda respublikanın enerji təhlükəsizliyini müzakirə ediblər.
“Səfir Botsan-Xarçenko ilə ikitərəfli əməkdaşlığın ən mühüm məsələləri ilə bağlı açıq müzakirə, enerji sektoruna xüsusi diqqət yetirildi. Biz ölkəmiz üçün strateji əhəmiyyət kəsb edən birgə layihələri, həmçinin enerji sistemimizi daha da gücləndirəcək qaz təchizatı və infrastruktur layihələrini müzakirə etdik”, – Vuçiç İnstaqramda yazıb.
Serbiya prezidenti əmin olduğunu bildirib ki, Moskva və Belqrad açıq dialoq və ortaq maraqlara hörmət yolu ilə “Serbiya üçün təhlükəsizlik, sabitlik və proqnozlaşdırıla bilən münasibətləri qurmağa davam edəcəklər”. Prezident sarayından TASS müxbirinin verdiyi məlumata görə, iclasda Serbiyanın baş nazirinin birinci müavini və maliyyə naziri Sinişa Mali də iştirak edib. (Tass)