Almaniyanın “Sara Vaqenknext İttifaqı – Ağıl və Ədalət naminə” (BSW) partiyasının lideri Sahra Vaqenknext Bundesver (Almaniya Silahlı Qüvvələri) hərbçilərinin Ukraynaya göndərilməsi məsələsi ilə bağlı ümumxalq səsverməsinin keçirilməsinə çağırıb.
“Almaniya kansleri Fridrix Mersin əslində Ukraynaya Bundesver qoşunlarının göndərilməsini Qərbin təhlükəsizlik zəmanətlərinin bir hissəsi hesab etməsi çox qəribədir. Təkcə tarixi səbəblər alman qoşunlarının göndərilməsini qadağan edir. Münaqişə halında Almaniya dərhal müharibənin tərəfinə çevriləcək, kansler buna icazə verə bilməz”, – Vaqenk yazır.
“Əgər mühafizəkar-qırmızı koalisiya (CDU/CSU və SPD koalisiyası ) həqiqətən də Bundesver əsgərlərini göndərmək istəyirsə, bunu xalqdan soruşmaq lazımdır. Vətəndaşların bu qərara ümumxalq səsverməsi ilə veto qoymaq imkanı olmalıdır”, – BSW lideri vurğulayıb.
Hazırda Almaniyada Ukraynaya mümkün qoşun yeridilməsi ilə bağlı qızğın müzakirələr gedir. Almaniya kansleri Fridrix Merz Ağ Evdəki danışıqlardan sonra keçirilən mətbuat konfransında alman qoşunlarının Ukraynaya mümkün yerləşdirilməsi məsələsini açıq qoyub. O, Berlində koalisiya ilə bu məsələni, o cümlədən Bundestaqın “mandat tələb edən qərarlar” qəbul edib-etməməsi məsələsini müzakirə edəcəyini vurğulayıb. Bununla belə, kanslerin qeyd etdiyi kimi, “bu suala yekun cavab vermək hələ tezdir”.
Avqustun 19-da “Fox News”a müsahibə verən Tramp deyib ki, Fransa, Almaniya və Böyük Britaniya Ukraynaya qoşun yeritmək istəyir. O, rəhbərlik etdiyi müddətdə Ukraynada Amerika hərbçilərinin olmayacağına işarə edib.(Tass)