Elm və Təhsil Nazirliyinin Dendrologiya İnstitutunun əməkdaşlarının həmmüəllifi olduqları “Xalq və ənənəvi təbabətin bəzi dərman bitkiləri” kitabı işıq üzü görüb.
İnstitutdan AZƏRTAC-a bildirilib ki, yeni nəşrdə Azərbaycan ərazisində yayılmış dərman əhəmiyyətli bitki növləri haqqında ətraflı məlumat təqdim edilib, onlardan xalq və ənənəvi təbabət üsulları əsasında müxtəlif xəstəliklərlərin müalicəsində istifadə olunması, dərman və qarışıqların hazırlanması qaydaları haqqında geniş izahat verilib.
Kitab tibb mütəxəssisləri, bioloqlar, eləcə də geniş oxucu kütləsi üçün nəzərdə tutulub.