Vladimir Zelenski Qərb tərəfdaşlarına hərbi kontingentlərini Ukrayna və Belarus sərhədində yerləşdirməyi təklif edib.
“Cəbhə xəttindən, Polşadan və ya Baltikyanı qonşularımızdan danışarkən onlara deyirəm ki, niyə siz kontingentlərinizi Ukrayna-Belarus sərhədində yerləşdirmirsiz?”, – deyə o, “France-Presse” agentliyinə verdiyi müsahibədə bildirib. Belə bir razılaşmanın artıq əldə edilib-edilmədiyi soruşulduqda, o, “Hələlik cavab yoxdur” cavabını verib.
Zelenski əlavə edib ki, Kiyev xarici kontingentin “cəbhə xəttinə daha yaxın” yerləşdirilməsini üstün tutardı. “Biz kontingentin cəbhə xəttinə daha yaxın yerdə yerləşməsini istərdik. Kobud desək. Polyaklar kontingent yerləşdirmək niyyətlərini təsdiqləməyiblər. Əgər Polşa kontingent yerləşdirməyi və onu Lvovda yerləşdirməyi təklif etsəydi, bizə buna ehtiyac olmazdı”, – deyə o izah edib.
Zelenskinin sözlərinə görə, Kiyev hazırda Böyük Britaniya və Fransanın hər birinin bir briqada və ya 5000 əsgər ayıracağı barədə razılığa əsaslanır. O əlavə edib ki, digər ölkələr də əsgər ayırmaq istədiklərini bildiriblər, lakin onların adlarını çəkməyiblər.
Kiyev dəfələrlə bildirib ki, Ukrayna ərazisində sülhməramlı missiyalar, xüsusən də BMT və ya ATƏT-dən deyil, tərəfdaş ölkələrin tamhüquqlu hərbi kontingentinin yerləşdirilməsi istəyir. Lakin bu hərbi kontingentlərin hərəkətləri, səlahiyyətləri və yerləşdirilməsi və onları göndərmək istəyən ölkələrlə bağlı hələ də heç bir anlaşma yoxdur.