12 ölkə Fələstin Milli Administrasiyasına (PNA) maliyyə dəstəyi göstərmək üçün koalisiya yaradıb. Bu barədə Fransa Xarici İşlər Nazirliyinin saytında dərc olunmuş kommünikedə deyilir.
“Bu gün Belçika, Böyük Britaniya, Danimarka, İslandiya, İrlandiya, İspaniya, Norveç, Səudiyyə Ərəbistanı, Sloveniya, Fransa, İsveçrə və Yaponiya Fələstin Milli Administrasiyasının maliyyə dayanıqlığını təmin etmək üçün fövqəladə koalisiya yaratdıqlarını elan ediblər”, mətndə qeyd edilir.
Bəyanatda vurğulanır ki, “koalisiya Fələstin Muxtariyyətinin üzləşdiyi kəskin və görünməmiş maliyyə böhranına cavab olaraq yaradılıb”. “Onun əsas məqsədi Fələstin Administrasiyasının maliyyə vəziyyətini sabitləşdirmək və idarə etmək, həyati xidmətlər göstərmək və təhlükəsizliyi qorumaq qabiliyyətini saxlamaqdır”, – bəyanatda deyilir.
Koalisiya ölkələri həmçinin İsraildən Fələstinin bütün gömrük gəlirlərinin dərhal bloklanmasını və Fələstin Muxtariyyətini əngəlləyən və ya zəiflədən və ya onun mövcudluğunu təhdid edən hər hansı tədbirləri dayandırmağı tələb ediblər.