ABŞ administrasiyası Böyük Britaniya, Almaniya və Fransa tərəfindən İrana qarşı sanksiyaların bərpası prosesinin başlamasını alqışlayır. Bu barədə ABŞ dövlət katibi Marko Rubionun bəyanatında deyilir.
Sənəddə deyilir: “Birləşmiş Ştatlar Aİ3-dəki müttəfiqlərimizin bu səydə liderliyini yüksək qiymətləndirir”.
“Biz İrana qarşı beynəlxalq sanksiyaların və məhdudiyyətlərin bərpası prosesini uğurla başa çatdırmaq üçün yaxın həftələrdə onlarla və BMT Təhlükəsizlik Şurasının digər üzvləri ilə işləyəcəyik”, – deyə bəyanatda bildirilir. (Tass)