Yəmənin “Ənsar Allah” üsyançı hərəkatının liderləri İsrailin Sənaya endirdiyi zərbənin hədəfi olmayıb, hərəkatın Səba agentliyi Husilərin Müdafiə Nazirliyindəki mənbəyə istinadən bildirib.
İsrail ordusundan verilən açıqlamaya görə, cümə axşamı İsrail təyyarələri üsyançıların nəzarətində olan Sənaya hücum edərək Husilərin hərbi obyektini vurub. İsrail N12 telekanalının məlumatına görə , hücumun hədəfi Ənsar Allah hərəkatının yüksək rütbəli üzvləri olub.
“Müdafiə Nazirliyindəki mənbə bu gün İsrail qüvvələrinin paytaxta hücumu zamanı Sanada rəhbərliyin vurulması ilə bağlı xəbərləri təkzib edib. O, mülki hədəflərin yenidən hücuma məruz qaldığını vurğulayıb”, – Səba agentliyi bildirib. (Tass)