Vaşinqton administrasiyası hesab edir ki, İsrailin Suriyadakı Əbu Duhur aviabazasına endirdiyi hava zərbələri regionda sabitliyə töhfə verməyən “lazımsız eskalasiya” təşkil edir. Bu barədə ABŞ Prezidentinin Suriya və İraq üzrə xüsusi nümayəndəsi və ABŞ-ın Türkiyədəki səfiri Tom Barak bildirib.
O, X-də yazıb: “İsrailin Əbu Duhur Hava Bazasına etdiyi təsdiqlənmiş hava hücumlarının bölgədə sabitliyə töhfə verməyən lazımsız bir eskalasiya təşkil etməsindən dərin narahatlıq duyuruq. Barrakın sözlərinə görə, Suriya hökuməti “aqressiv mövqe tutmayıb” və “İsrail ilə gərginliyin azaldılması istəyini dəfələrlə ifadə edib”.
Xüsusi nümayəndə əlavə edib ki, Amerika tərəfi “diplomatik səyləri asanlaşdırmaq üçün müzakirələr aparmağa” davam edəcək. O bildirib ki, “Uzunmüddətli gərginliyin azaldılması ilə bağlı razılaşmalar bütün maraqlı ölkələr və tərəflərlə davam edən dialoq yolu ilə əldə edilir. Barak vurğulayıb ki, “Amerika Birləşmiş Ştatları təmkin və qarşılıqlı əlaqənin daha konstruktiv yanaşma olduğuna inanmağa davam edir”. O əlavə edib ki, ABŞ “bütün tərəfləri əlavə hərbi əməliyyatlar aparmaqdansa, konstruktiv dialoqa səy göstərməyə” çağırır. (Tass)