Vaşinqton administrasiyası Suriya hakimiyyətindən öz ölkələrinin İslam Dövləti ilə mübarizə aparan ABŞ-ın rəhbərlik etdiyi beynəlxalq koalisiyaya qoşulmasını elan edəcəyini gözləyir. Bunu Bəhreyndə Manama Dialoqu forumunda çıxış edən ABŞ-ın Türkiyədəki səfiri və Suriya üzrə xüsusi nümayəndəsi Tom Barak deyib.
Onun sözlərinə görə, Suriya hakimiyyəti müvafiq sənədi “imzalamağı planlaşdırır”. Barak əlavə edib ki, Suriya keçid hökumətinin başçısı Əsəd əl-Şeybani “bunu sabah (bazar günü ) elan edə bilər”. “Bu, böyük addımdır”, – xüsusi nümayəndə vurğulayıb.
Reuters xəbər verir ki , Barak forumun kənarında jurnalistlərə Suriyanın keçid prezidenti Əhməd əl-Şaraanın Vaşinqtona səfərinin gözlənildiyini də bildirib. Barakın sözlərinə görə, Əl-Şaraa bu səfər zamanı Suriyanın yuxarıda adı çəkilən koalisiyaya qoşulduğunu elan edə bilər. (Tass)