ABŞ Prezidentinin Afrika və Ərəb ölkələri üzrə baş müşaviri Massad Bulos Liviyanın Baş naziri Əbdül Həmid Dbeyba ilə danışıqlar aparıb və Tripolinin ABŞ ilə hərbi əməkdaşlığının dərinləşdirilməsi perspektivlərini, eləcə də ölkənin yenidən birləşdirilməsi istiqamətində atılacaq addımları müzakirə edib.
Bulos X-də yazıb: “Biz ölkənin iki hissəsi arasında hərbi və təhlükəsizlik əməkdaşlığı da daxil olmaqla, vahid Liviyaya doğru növbəti addımları müzakirə etdik. Biz həmçinin Liviya qüvvələri ilə ABŞ Afrika Komandanlığı arasında daha da koordinasiya və qarşılıqlı əlaqə üçün yeni tənzimləmələrin mümkünlüyünü araşdırdıq”.
O əlavə edib ki, ABŞ Liviyanın ərazi bütövlüyünü və siyasi birliyini bərpa etmək üçün səylərini davam etdirəcək. (Tass)