Qəzza zolağındakı vəziyyəti həll etmək üçün yaradılan Sülh Şurası, Fələstin anklavı üçün yeni bir idarəetmə sisteminin yaxın aylar ərzində tətbiq oluna biləcəyini gözləyir. Qurumun bu barədə bəyanatı onun X səhifəsində yerləşdirilib.
Mətndə qeyd olunur ki, “Beynəlxalq sabitləşdirmə qüvvələri Qəzzada humanitar yardım və yenidənqurma səylərinin genişləndirilməsində həlledici rol oynayacaq. Önümüzdəki aylarda bu səylər yeni idarəetmə modelinin tətbiqi, təhlükəsizliyin təmin edilməsi və iqtisadi imkanların təşviqi üçün konkret addımlara çevriləcək”.
Daha əvvəl İsrail Təhlükəsizlik Kabineti Qəzza zolağına beynəlxalq hərbi kontingentin yerləşdirilməsinə icazə verən qərar qəbul etmişdi. Sülh Şurasının Qəzza üzrə ali nümayəndəsi Nikolay Mladenov bu qərarı dəstəklədiyini və beynəlxalq kontingentin tez bir zamanda yerləşdirilməsinə və radikal Fələstin HƏMAS hərəkatının tərksilah edilməsinə ümid etdiyini bildirmişdir. (Tass)