ABŞ Daxili Təhlükəsizlik Departamenti (DHS) xarici jurnalistlər, tələbələr və mübadilə proqramları iştirakçıları üçün viza qaydalarını dəyişdirərək, onların ölkədə qalma müddətini müəyyən bir müddətlə məhdudlaşdırıb. Bu barədə Federal Reyestrdə (ABŞ hökumətinin rəsmi sənədlər toplusu) dərc olunmuş departamentin bildirişində bildirilib.
Sənədə görə, Amerika hakimiyyəti hesab edir ki, qayda dəyişikliyi onlara “əlavə qorunma və daha böyük nəzarət” təmin edəcək və “həmçinin müəyyən edilmiş qeyri-immiqrant vizalarının sahiblərinin ABŞ-da müvəqqəti qaldıqları müddətdə statuslarını qoruyub saxlamalarının daha diqqətlə izlənməsinə imkan verəcək”.
Xarici jurnalistlər, tələbələr və mübadilə proqramları iştirakçıları müvafiq olaraq I, F və J vizaları alırlar. Əvvəlki qaydalara əsasən, bu sənədlər, məsələn, şəxs xarici media orqanında işləməyə və ya ABŞ universitetində təhsil almağa davam etdiyi müddətdə, giriş məqsədləri və şərtləri yerinə yetirildiyi müddətdə ABŞ-da qalmağa imkan verir. İndiyə qədər bu vizaların ümumiyyətlə sabit etibarlılıq müddəti yox idi. (Tass)