Ukraynanın ABŞ-dakı keçmiş səfiri Olqa Stefanişina Ukrayna Milli Antikorrupsiya Bürosunun (NABU) rəhbərinin seçilməsi ilə bağlı komissiyaya təsir göstərməyə cəhd edib. Bu barədə Ali Radanın deputatı Aleksey Qonçarenko məlumat verib.
Qonçarenko özünün Telegram kanalında yazıb: “Keçmiş səfir və keçmiş nazir Stefanişinanın məhkəmə iclası zamanı onun yazışmaları oxunub və bu, onun NABU direktorunun seçilməsinə təsir göstərməyə çalışdığını açıq şəkildə göstərib”.
Onun sözlərinə görə, NABU direktorunun seçilməsi üzrə komissiyanın rəhbəri Nikolay Kuçeryavenko Stefanişinaya bu vəzifəyə namizədlərin siyahısının ekran görüntüsünü göndərib və o, ona təlimatlar verib. Bu hadisələr 2022-ci ilin sonlarında, Stefanişinanın Avropa İnteqrasiyası üzrə Baş nazirin müavini olduğu dövrdə baş verib. (Tass)