Associated Press (AP) agentliyinin verdiyi məlumata görə , Qəzza zolağında isti hava anklavda humanitar böhranı daha da pisləşdirir və yerli sakinlər arasında səhiyyə problemlərini daha da artırır.
Agentliyin məlumatına görə, yüz minlərlə fələstinli hazırda sintetik materiallardan hazırlanmış müvəqqəti çadırlarda yaşayır. Bu çadırlarda zəif ventilyasiya və yüksək istilik səviyyəsi, eləcə də suya çıxış problemləri səbəbindən yerli sakinlər susuzlaşma və istidən qaynaqlanan xəstəliklərə tutulma riski ilə üzləşirlər.
Yerli meteorologiya xidmətinin məlumatına görə, iyulun son həftəsi və avqustun ilk həftəsində temperatur orta hesabla normadan iki dərəcə yüksək olub. Son günlərdə temperatur 33-35 dərəcə Selsi arasında dəyişib. Avqust ayı ərzində temperaturun normadan iki dərəcə yüksək qalacağı gözlənilir.