Fransa Seuta muxtar şəhərində qanunsuz miqrant axını ilə bağlı vəziyyətdə İspaniyaya kömək etməyə hazırdır. Bu barədə BFMTV televiziya kanalı prezident Emmanuel Makrona yaxın mənbəyə istinadən məlumat verib.
Telekanal mənbəyə istinadən bildirib ki, “Prezident vurğulayıb ki, Fransa İspaniya hakimiyyət orqanlarının xahişi olarsa, o cümlədən Frontex agentliyi vasitəsilə bütün lazımi dəstəyi göstərməyə hazırdır”.
Bundan əlavə, dövlət başçısı Daxili İşlər Nazirliyindən İspaniya ilə sərhəd nəzarətini gücləndirmək üçün bütün zəruri tədbirləri görməsini tələb edib. Mənbə əlavə edib ki, “vəziyyəti yaxından izləmək və müxtəlif xidmətlər arasında koordinasiyanı gücləndirmək üçün İspaniya və Mərakeş hakimiyyəti ilə əlaqələr davam edir”. (Tass)