ABŞ Prezidenti Donald Trampın regionla bağlı son açıqlamalarına baxmayaraq, BMT-nin Koreya yarımadasındakı mövqeyi dəyişməz olaraq qalır. Bu barədə BMT-nin sözçüsü Stefan Dujarrik bildirib.
O, məsələ ilə bağlı suala cavab olaraq bildirib ki, “Xeyr, Koreya yarımadasındakı vəziyyətlə bağlı mövqeyimiz eyni olaraq qalır”.
Tramp bu yaxınlarda Kim Çen Inla “çox yaxşı münasibətlərini” təkrarladı və ABŞ-ın Koreya Respublikası ilə birgə hərbi təlimlərdə iştirak etməyə çoxdan razılıq verməsindən narazılığını bildirdi. Tramp “Truth Social”da yazıb ki, ABŞ bu təlimlərin xərclərinin əksəriyyətini öz üzərinə götürür və onlar “Donald Trampın prezidentliyi dövründə heç bir təhlükə yaratmayan və hörmət göstərən bir ölkəyə tamamilə uyğunsuz və düşmənçilik siqnalı göndərir”. (Tass)