BMT İsrailin Suriya ərazisinə son hava hücumlarından narahatdır; bu cür hücumlar dayandırılmalıdır. Bu barədə BMT-nin rəsmi sözçüsü, baş katibi Stefan Dujarrik brifinqdə bildirib.
“Biz bu zərbələri gördük. Bu, Suriyanın ərazi bütövlüyünün və hava məkanının daha bir son dərəcə narahatedici pozulmasıdır. Bu cür hava hücumları dayandırılmalıdır; biz onlara qarşıyıq”, – deyə o bildirib.
Daha əvvəl Syria TV bir mənbəyə istinadən İsrail Hərbi Hava Qüvvələrinin Suriyanın şimal-qərbində yerləşən İdlib əyalətindəki Əbu Duhur aerodromuna bir neçə zərbə endirdiyini bildirmişdi. Mənbənin sözlərinə görə, hücumlar nəticəsində maddi ziyan dəyib. Mülki şəxslər arasında itki barədə məlumat verilməyib. Reuters-in məlumatına görə, uçuş-enmə zolağı və anbarlar hədəfə alınıb. (Tass)