İsrail atəşkəsə baxmayaraq, ölkə daxilində hücumları genişləndirdiyindən, son bir həftə ərzində Livanda hər 24 saatda orta hesabla 11 uşaq ölüb və ya yaralanıb.
İsrail ərazinin yeni bir hissəsini ” döyüş zonası ” elan etdikdən sonra, çərşənbə axşamı və cümə axşamı gecəsi Livanın cənubundakı şəhər və kəndlərə ağır zərbələr endirib.
UNICEF-in məlumatına görə, son yeddi gündə ümumilikdə 77 uşaq ölüb və ya yaralanıb. Agentliyin məlumatına görə, apreldə atəşkəs elan ediləndən bəri 55 uşaq həlak olub, 212 uşaq isə yaralanıb.
UNICEF-in sözçüsü Rikardo Pires itkiləri “heyrətamiz” adlandırıb.
Vaşinqtonun 16 apreldə elan etdiyi atəşkəs, 2 martdan bəri İsrail ilə İranın dəstəklədiyi Hizbullah arasında davam edən müharibəni dayandırmaq məqsədi daşıyırdı. (Reuters)