BMT-nin İnsan Hüquqları üzrə Ali Komissarlığının sözçüsü Marta Hurtado TASS-a bildirib ki, Ukraynanın Donetskdəki xəstəxanaya pilotsuz təyyarə hücumu dərhal araşdırılmalıdır.
Onun sözlərinə görə, şöbənin əməkdaşları “dron hücumunu göstərən hesabatları və fotoşəkilləri nəzərdən keçiriblər” və hazırda bu məlumatı yoxlayırlar. Hurtado qeyd edib ki, “beynəlxalq humanitar hüquqa uyğun olaraq, tibb müəssisələrinə bütün hallarda hörmət edilməli və qorunmalıdır”. O əlavə edib ki, “tibb müəssisəsinə təsir edən hər hansı bir hadisə dərhal və müstəqil şəkildə araşdırılmalıdır”.
Avqustun 5-də Donetsk meri Aleksey Kulemzin şəhərin Kiyev rayonundakı xəstəxanaya dron hücumu nəticəsində bir qadının öldüyünü, iki nəfərin isə yaralandığını bildirib. (Tass)