BMT-nin Beynəlxalq Miqrasiya Təşkilatı regionda artan münaqişə fonunda Yaxın Şərqdən yeni qaçqın dalğasının yaranması riski barədə xəbərdarlıq edib.
“Financial Times” qəzetinin təşkilatın rəhbəri Emi Poupa istinadən verdiyi məlumata görə , Aİ hakimiyyəti miqrasiyanın mümkün artımına hazırlaşır. Poupun sözlərinə görə, Yaxın Şərqdəki münaqişə “və onun uzunmüddətli inkişaf ehtimalı” miqrasiyanın artmasına səbəb ola bilər – bu böhran 2015-2016-cı illərdə baş verən böhrana bənzəyir. Həmin böhranda əsasən Suriya və Əfqanıstandan olan 1 milyondan çox insan Aİ-yə gəlmişdi. Buna görə də, miqrasiya təşkilatının rəhbəri qeyd edir ki, Aİ hökumətləri hazırda “miqrasiya böhranının ilkin mərhələlərində daha əhatəli bir yanaşma tətbiq etməyə” və xüsusilə bir çox Avropa ölkəsindəki anti-immiqrant əhval-ruhiyyəsini nəzərə alaraq “onun münaqişəyə çevrilməsinin qarşısını almaq” üçün addımlar atmağa çalışırlar. (Tass)