Böyük Britaniya, Almaniya, İtaliya, Polşa və Fransanın (“E5”) dövlət və hökumət başçıları Rusiya və Ukrayna arasında ABŞ və Avropanın iştirakı ilə birbaşa dialoq təkliflərini dəstəklədiklərini bəyan ediblər. Bu barədə Berlində E5 liderlərinin danışıqlarından sonra verilən birgə bəyanatda bildirilib.
Almaniya Nazirlər Kabinetinin mətbuat xidməti tərəfindən yayılan sənəddə deyilir: “Dövlət və hökumət başçıları ədalətli və davamlı sülhə nail olmaq üçün şərtləri anlamaqda həmfikirdirlər və ABŞ və Avropanın fəal iştirakı ilə Ukrayna ilə Rusiya arasında birbaşa dialoq təkliflərini dəstəkləyirlər”. (Tass)