Böyük Britaniya Hörmüz boğazında beynəlxalq gəmiçiliyi bərpa etmək üçün İrana iqtisadi təzyiq göstərməyə hazırdır. Bu barədə Böyük Britaniyanın xarici işlər naziri İvet Kuper ITV- yə bildirib.
Nazir Hörmüz boğazının bağlanması ilə bağlı təhlükəsizlik konfransından sonra bildirib ki, “Biz diplomatik və iqtisadi təzyiqə ehtiyacımız olduğunu açıq şəkildə bildiririk”. Britaniya Xarici İşlər Nazirliyi tərəfindən təşkil edilən tədbir cümə axşamı Avropa, Asiya, Yaxın Şərq və Latın Amerikasının 40-dan çox ölkəsinin xarici işlər qurumlarının rəhbərləri ilə videokonfrans vasitəsilə baş tutub.
Böyük Britaniya Müdafiə Nazirliyi bundan əvvəl bildirmişdi ki, gələn həftə hərbi əməliyyatların bitməsindən sonra Hörmüz boğazında naviqasiyanın bərpası üçün müxtəlif variantları müzakirə etmək məqsədilə müdafiə planlaşdırıcılarının beynəlxalq görüşü keçiriləcək. (Tass)