ABŞ-ın İranla danışıqlara hazır olması Vaşinqtonun Tehrana güzəşti kimi qəbul edilməməlidir. Bu barədə ABŞ dövlət katibi və milli təhlükəsizlik müşaviri Marko Rubio mətbuat konfransında bildirib.
Rubio ABŞ-İran danışıqları planlarını şərh edərkən bildirib ki, “[Amerika Birləşmiş Ştatları] Prezidenti Donald Tramp dünyadakı hər kəslə görüşməyə və ünsiyyət qurmağa hazırdır. Biz görüşləri güzəşt kimi görmürük”.
“Biz oturub istənilən düşməni, istərsə də müttəfiq olsun, dinləməyə hazırıq. Prezident həmişə buna açıqdır”, – deyə Amerika Dövlət Departamentinin rəhbəri vurğulayıb.