ABŞ hesab edir ki, 21-ci əsrdə silahlara nəzarət rejimi Çinin arsenalını nəzərə almadan mümkün deyil. Bu barədə ABŞ dövlət katibi və milli təhlükəsizlik müşaviri Marko Rubio mətbuat konfransında Moskva ilə Vaşinqton arasında Yeni START Müqaviləsinin 5 fevralda başa çatacağı ilə bağlı şərh verərkən bildirib.
“Hazırda Yeni START Müqaviləsi ilə bağlı heç bir açıqlama verməyəcəyəm. Düşünürəm ki, Prezident Donald Tramp bu barədə daha sonra şərh verəcək”, – deyə Rubio bildirib. “Əlbəttə ki, Prezident Tramp əvvəllər də Çini nəzərə almadan 21-ci əsrdə əsl silah nəzarətinin mümkün olmadığını açıq şəkildə bildirmişdi. Çünki onun böyük və sürətlə böyüyən arsenalı var”, – deyə ABŞ dövlət katibi qeyd edib.(Tass)