Çin Xalq Azadlıq Ordusu Pekində keçirilən təntənəli paradda ilk dəfə olaraq ölkənin strateji nüvə triadasını təmsil edən raketləri nümayiş etdirib, TASS müxbiri xəbər verir.
Sərgidə “Jinglei-1” uzaqmənzilli təyyarə raketi, sualtı qayıqdan buraxılan “Julanq-3” qitələrarası raketi, “Dongfeng-61” və “Dongfeng-31” quru qitələrarası raketləri nümayiş etdirilib.
Çin Xalq Azadlıq Ordusu Yaponiya təcavüzünə qarşı Çin Xalq Müqavimət Müharibəsində və Ümumdünya Antifaşist Müharibəsində Qələbənin 80 illiyi münasibətilə Tiananmen meydanında genişmiqyaslı hərbi parad keçirib. Tədbirdə Çin Prezidenti Si Cinpin, Rusiya Prezidenti Vladimir Putin, digər 24 ölkənin dövlət və hökumət başçıları iştirak ediblər. (Tass)