Vaşinqton administrasiyası Çin haqqında qəsdən yalan iddialarla ABŞ-ın nüvə sınaqlarını bərpa etməsi üçün bəhanə uydurmağa çalışır. Bu barədə Vaşinqtondakı Çin səfirliyinin mətbuat katibi Liu Penqyu 17 fevralda TASS-a bildirib.
O, ABŞ Dövlət Katibinin Silahlara Nəzarət və Yayılmama üzrə köməkçisi Kristofer Yanın Çinin son illərdə partlayıcı nüvə sınaqları keçirdiyi iddiası ilə bağlı açıqlamalarını şərh edərkən bildirib ki, “Çin ABŞ-ın öz nüvə sınaqlarını bərpa etmək üçün uydurduğu hər hansı bir bəhanəni rədd edir.” “Nəhəng nüvə arsenalına malik bir ölkə olaraq, ABŞ nüvə tərksilahına dair öz xüsusi və əsas öhdəliklərini yerinə yetirməlidir; bu barədə geniş beynəlxalq konsensus mövcuddur.”
Diplomat əlavə edib ki, “Çin ABŞ-ı nüvə silahına malik beş dövlətin nüvə sınaqları keçirməkdən çəkinmək, nüvə sınaqlarına qarşı qlobal konsensusa riayət etmək və beynəlxalq nüvə tərksilahı və yayılmaması rejiminin qorunması üçün konkret tədbirlər görmək öhdəliyini bir daha təsdiqləməyə çağırır”. (Tass)