Çin Xarici İşlər Nazirliyinin sözçüsü Lin Cianın sözlərinə görə, BƏƏ sahillərində Marşal Adaları bayrağı altında üzən Çin heyətinin olduğu gəmiyə edilən hücum nəticəsində ölənlər barədə Çin Xarici İşlər Nazirliyinin məlumatı yoxdur.
“Hazırda gəminin heyət üzvləri arasında itki barədə heç bir məlumat daxil olmayıb”, – deyə o qeyd edib.
Daha əvvəl Reuters agentliyi dəniz təhlükəsizliyi mənbələrinə istinadən Marşal adaları bayrağı altında üzən Çin gəmisinin BƏƏ sahillərində baş verən hücum nəticəsində zədələndiyini bildirmişdi. (Tass)