Keçmiş prezident Robert Köçəryanın müxalifət bloku olan “Ermənistan” Çiçəklənən Ermənistan Partiyasının (ÇEP) lideri Qaqik Tsarukyanın saxlanılmasını siyasi qisas adlandırıb. Bəyanat Facebook-da dərc edilib.
Bəyanatda deyilir: “Ermənistan bloku Çiçəklənən Ermənistan Partiyasının lideri Qaqik Tsarukyanın açıq-aşkar siyasi repressiyanın bir hissəsi kimi saxlanılmasını, eləcə də bu gün onun ailə üzvlərinə məxsus müəssisələrdə törədilən hərəkətləri pisləyir. Qeyd edirik ki, mövcud rejimin təhlükəsizlik qüvvələrini siyasi dəyənəklərə çevirməsi və müxalifləri yatırması istənilən hüquqi məntiqə ziddir və hakim rejimin qorxularını əks etdirir”.
Blok qeyd edib ki, mülkiyyət hüquqlarının pozulması və iqtisadi terrorizm birbaşa investisiya mühitinə və ölkənin iqtisadi təhlükəsizliyinə təsir göstərir. Bəyanatda deyilir: “Aydındır ki, hakim rejim bu cür hərəkətlərlə legitimlik böhranını gizlətməyə və dövlət əleyhinə məqsədlərin həyata keçirilməsinə qarşı bütün mümkün müqavimət nöqtələrini aradan qaldırmağa çalışır”.
Bundan əvvəl səkkiz Ermənistan müxalifət partiyası birgə bəyanat yayaraq hakimiyyətin Tsarukyana qarşı hərəkətlərini siyasi təqib adlandırmışdı.