Livan prezidenti Cozef Aun ABŞ administrasiyasını İsrailə təzyiq göstərməyə və onun Livan ərazisindən çıxarılmasını sürətləndirməyə çağırıb.
Respublika başçısı mətbuat xidməti tərəfindən yayımlanan açıqlamada bildirib ki, “İşğalın davam etməsi Livan dövlətinin legitimliyini sarsıdır, cənub sərhədində qoşunların yerləşdirilməsinə mane olur və Vaşinqtonda imzalanmış çərçivə sazişinin həyata keçirilməsini təhlükə altına alır”.
Aunun sözlərinə görə, İsrail qoşunlarının geri çəkilməsi “sülh və sabitliyə doğru hər hansı real, hiss olunan irəliləyişin” açarıdır. Siyasətçi qeyd edib ki, “Əgər İsrail israr edərsə və mövcudluğunu qorumağa çalışarsa, bu, ABŞ və Livanın axtardığı məqsədlərə töhfə verməyəcək”.
İsrail ilə çərçivə sazişi iyunun 26-da ABŞ-ın himayəsi altında Vaşinqtonda keçirilən beş raund danışıqlardan sonra imzalanıb. Sazişə əsasən, Livan silahlı qüvvələri tədricən “ölkənin bütün ərazisi üzərində effektiv suveren nəzarəti” bərpa etməlidir.