Türkiyənin xarici işlər naziri Hakan Fidan İranın Qətərə hücumlarını pisləyərək, onları əsassız adlandırıb.
“İndiyə qədər Qətər [İran məsələsində] vasitəçi rolunu oynamaqda çox səy göstərib. O, həm regionun, həm də bütün dünyanın maraqları naminə həqiqətən səylər göstərir. Lakin Qətər hücuma məruz qalıb. Onlar tamamilə layiq olmadığı bir hücuma məruz qalıblar və hücumlar hələ də davam edir”, – deyə o, Dohada Qətərin xarici işlər naziri Məhəmməd bin Əbdürrəhman Əl-Tani ilə birgə mətbuat konfransında bildirib.
Nazir əlavə edib ki, “Mülki insanların həyatını gözardı edən və mülki infrastrukturu hədəf alan bu hücumları qınayır və rədd edirik. Bu cür hücumlar heç bir halda haqlı sayıla bilməz. Türkiyə həmişə qardaş Qətərin yanındadır və onu dəstəkləməyə davam edəcək”. (Tass)