Türkiyə, xahiş olunarsa, Qəzza zolağındakı beynəlxalq sabitləşdirmə qüvvələrinə qoşun göndərməyə hazırdır. Bu barədə Türkiyənin xarici işlər naziri Hakan Fidan Qətərin “Əl-Cəzirə” televiziya kanalına verdiyi müsahibədə bildirib.
“Qəzza sülh planının müddəalarından biri orada beynəlxalq təhlükəsizlik qüvvələrinin yaradılmasını nəzərdə tutur. Bu vacibdir. Əgər bu həyata keçirilərsə, inanıram ki, bu, həm İsrailə, həm də fələstinlilərə heç bir hücum və ya təhlükəsizlik müqavilələrinin pozulması riskinin olmayacağına dair özlərini əmin etməyə kömək edəcək. Bu, Fələstin məsələsində yeni bir fəsil olacaq. Bizdən xahiş olunarsa, bu qüvvə üçün hərbi hissələr təmin etməyə hazırıq. Lakin qüvvələr məsələsi hərtərəfli danışıqların mövzusudur”, – nazir bildirib.
Fidan xatırladıb ki, İsrailin Baş naziri Binyamin Netanyahu “Türkiyənin Sülh Şurasında iştirakına etiraz edib”. “Amma biz dəvət olunmuşduq və iştirak etdik. O, mənim Qəzza İcraiyyə Komitəsinə daxil olmağıma qarşı çıxdı. Buna baxmayaraq, biz oradayıq, çünki Misir, Qətər və ABŞ ilə birlikdə Qəzza vasitəçilik qrupunun əsas üzvləriyik. Hazırkı mövqeyimiz Qəzzada davam edən sülh prosesini hərbi və ya siyasi cəhətdən asanlaşdırmaq üçün mümkün olan hər şeyi etməkdir”, – nazir əlavə edib. (Tass)