İsrail Suriya ərazisinə planlaşdırılan hücumlardan əvvəl ABŞ-a yüksək həssas kəşfiyyat məlumatları təqdim edib. İsrailin yüksək vəzifəli rəsmisi Fox News-a İdlib əyalətindəki hərbi aerodroma hücumlar barədə məlumatları şərh edərkən bildirib.
“Xüsusilə həssas kəşfiyyat məlumatları əvvəlcədən müxtəlif departament və agentliklərin ən yüksək səviyyələrində ABŞ ilə paylaşılıb”, – deyə rəsmi bildirib.
İsrail nümayəndəsi kəşfiyyat məlumatlarının yüksək dərəcədə məxfi xarakter daşıdığını əsas gətirərək əlavə təfərrüatları açıqlamaqdan imtina etdi.
Daha əvvəl Syria TV bir mənbəyə istinadən iddia etmişdi ki, İdlib əyalətindəki hərbi aerodroma zərbələr İsrail Hərbi Hava Qüvvələrinin təyyarələri tərəfindən endirilib. Mənbənin sözlərinə görə, hücumlar nəticəsində maddi ziyan dəyib. Mülki şəxslər arasında itkilər barədə məlumat verilməyib.