“The New York Times” yazır ki, HƏMAS Qəzza zolağında qalan girovları İsrailin müharibənin tam dayandırılmasına dair zəmanətini almadan azad etməyə razılaşaraq əhəmiyyətli riskə getdi .
Təhlilçilər bunun HƏMAS-ın iki illik müharibədən sonra ciddi şəkildə zəifləməsini və Qətər və Türkiyə kimi müttəfiqlərin böyük təzyiqini əks etdirən “böyük güzəşt” olduğunu deyirlər.
Nəşr fələstinli analitik Esmat Mansurun sözlərini sitat gətirir: “HƏMAS əhəmiyyətli güzəştlərə getdi. Onlar müharibənin bitəcəyinə inanaraq riskə gedirlər, lakin onların başqa variantları da azdır”. (Tass)
Oktyabrın 9-da əldə olunmuş razılaşma fələstinli məhbusların azadlığa buraxılmasına zəmanət verir, lakin İsrail qoşunlarının ilkin olaraq yalnız qismən çıxarılmasını nəzərdə tutur və müharibənin bitməsinə zəmanət vermir. Ərəb vasitəçilərinin sözlərinə görə, HƏMAS İsrailin hərbi əməliyyatları bərpa etməməsi üçün ABŞ-a etibar edib.
Qəzzanın müharibədən sonrakı idarəçiliyi və İsrailin uzun müddətdir HƏMAS-ın tərksilah edilməsi tələbi kimi əsas məsələlər gələcək müzakirələrə buraxıldı. İsrailin baş naziri Benyamin Netanyahu ardıcıl olaraq bəyan edib ki, müharibə bitməzdən əvvəl Həmas tərksilah edilməlidir. “Qarşıda bizi uzun yol gözləyir. Qalan məsələlər asan deyil”, – Mənsur yekunlaşdırıb.