Almaniyanın qərbindəki Geilenkirxendəki (Şimali Reyn-Vestfaliya) NATO-nun aviabazasının üzərində naməlum pilotsuz təyyarə görüntülənib. Bu barədə “Der Spiegel” jurnalı öz mənbələrinə istinadən məlumat yayıb.
Onların məlumatlarına görə, radarlar çərşənbə günü yerli vaxtla saat 19:00 radələrində bazanın təhlükəsizlik zonasında PUA aşkar ediblər. Uçuş zolağının üzərindən aşağı hündürlükdə uçdu. Dərhal bazaya xəbərdarlıq edilib, hərbçilər və polis hadisə yerinə gəlib. Pilotsuz təyyarənin növü və operatoru hələ müəyyən edilməyib.
Geilenkirchen aviabazası NATO-nun alyansın şərq cinahında hava nəzarəti əməliyyatlarında əsas rol oynayır. Orada havadan erkən xəbərdarlıq və nəzarət təyyarələri (AWACS) yerləşdirilib. (Tass)