Fələstinin HƏMAS hərəkatı Qəzza zolağının idarəçiliyini fələstinli texnokratların yaratdığı müstəqil quruma təhvil verməklə razılaşdığını təsdiqləyib. Bəyanat radikalların Telegram-kanalında dərc olunub.
“Həmas Qəzzanın idarəçiliyini müstəqil, texnokrat siyasətçilərdən ibarət Fələstin hakimiyyətinə təhvil verməyə hazırdır”, – bəyanatda deyilir. Hərəkat qeyd edib ki, bütün Fələstin fraksiyaları “ərəb və islam ölkələrinin dəstəyindən istifadə edəcək” gələcək inzibati orqanın formalaşdırılmasının zəruriliyi ilə bağlı “konsensusa gəliblər”.