Yəmənin Ənsar Allah (Husi) üsyançı hərəkatı Bab əl-Məndəb boğazının tamamilə bağlanması ilə bağlı məlumatları təkzib edərək, məhdudiyyətlərin yalnız Səudiyyə Ərəbistanı gəmilərinə şamil edildiyini vurğulayıb. Bu barədə hərəkatın rəsmi sözçüsü Məhəmməd Əbdül Salam bildirib.
“Bəzilərinin iddia etdiyi kimi, Bab əl-Məndəb boğazı bağlanmayıb və Yəmən silahlı qüvvələrinin (Husilər tərəfindən idarə olunur ) mövqeyi yalnız Səudiyyə Ərəbistanı tərəfinə təsir edən dəniz blokadası ilə məhdudlaşır. Bu, onun Yəmən xalqının təhlükəsizliyini, suverenliyini və müstəqilliyini təmin edən hər hansı ədalətli yanaşmanı qəbul etməkdən imtina etməsinə cavab olaraq baş verir”, – deyə o, X-də yazıb.(Tass)