İran 13 martda Təl-Əviv, Hayfa, Eylat və İsrailin digər şəhərlərinə, Bəhreyn, İordaniya və İraqdakı ABŞ hərbi bazalarına, “Abraham Linkoln” təyyarədaşıyan gəmisinə və ABŞ Hərbi Dəniz Qüvvələrinin 5-ci Donanmasının gəmilərinə raket və pilotsuz təyyarələrlə hücumlar həyata keçirib. Bu barədə İran Silahlı Qüvvələrinin Mərkəzi Qərargahının sözçüsü Xatəm əl-Ənbiya bildirib.
“Əsl Vəd 4 Əməliyyatının 43-cü mərhələsi ABŞ Hərbi Dəniz Qüvvələrinin Beşinci Donanmasına və bölgədəki digər ABŞ terrorçu ordu bazalarına, Tel-Əvivin mərkəzinə, işğal olunmuş ərazilərin şimalına və Eylata yönəlmişdi. Bu dalğa zamanı [İordaniyadakı] Müvəffəq əs-Səlti bazası və Manama və Ərbildəki digər ABŞ bazaları İslam İnqilabı Keşikçiləri Korpusunun raketləri və PUA-larının ən ağır hücumlarına məruz qaldı. <…> Çox sayda yüksək dəqiqlikli və super ağır Xorrəmşəhr, Xeybərşəkan, Fəttah, Emad, Qədr raketləri və hücum dronlarından istifadə edilən genişmiqyaslı əməliyyat nəticəsində işğal olunmuş ərazilərin şimalında, Kiryat Şmona, Hadera və Hayfada sionist rejim hədəfləri, eləcə də ABŞ Hərbi Dəniz Qüvvələrinin Beşinci Donanmasının və digər ABŞ terrorçu ordu bazalarının [gəmiləri] səhərə yaxın məhv edildi. Dünən gecə ABŞ təyyarədaşıyan gəmisi olan “Avraham Linkoln” İslam İnqilabı Keşikçiləri Korpusunun Hərbi Dəniz Qüvvələri tərəfindən hücuma məruz qaldı və hələ də fəaliyyət göstərmir, başlanğıc nöqtəsinə qayıdır”, – deyə o, gündəlik brifinq zamanı bildirib. (Tass)