İsrail Müdafiə Qüvvələrinin (İMQ) Baş Qərargah rəisi Əyal Zamir yəhudi dövlətinin Livanla şimal sərhədi ərazisinə əlavə bölmələr göndərilməsini əmr edib. Bu barədə İMQ-nin mətbuat xidməti məlumat verib.
Bəyanatda deyilir: “Vəziyyətin çoxtərəfli qiymətləndirilməsindən sonra Zamir müxtəlif hücum və müdafiə ssenarilərinə hazırlığın gücləndirilməsi çərçivəsində Şimal Dairəsində qoşunların genişmiqyaslı gücləndirilməsini əmr etdi. Şimal sərhədində qoşunların gücləndirilməsi və yerləşdirilməsi diviziyalar, briqadalar və mühəndis batalyonları da daxil olmaqla əlavə nizami bölmələrlə həyata keçiriləcək”.
Mətbuat xidməti əlavə edib ki, “Eyni zamanda, şimala köçürülən nizami bölmələri əvəz etmək üçün ehtiyat qüvvələr səfərbər olunacaq”. (Tass)