İordan çayının qərb sahilinin Ramallah bölgəsində bir qrup fələstinli radikal İsrail ərazisinə raket zərbələri endirməyi planlaşdırıb, İsrail Müdafiə Qüvvələrinin (IDF) mətbuat xidməti bildirib.
Onun sözlərinə görə, sentyabrın 19-na keçən gecə İsrail hərbçiləri və kəşfiyyatçıları Ramallahda reyd keçirib, nəticədə üç silahlı radikal həbs edilib.
Şübhəlilərin yerləşdiyi binada onlarla raket, o cümlədən döyüş başlığı olmayan iki buraxılışa hazır raket, partlayıcı maddələr, partlayıcı qurğular və şübhəlilərin raket istehsal etdiyini və onları atmağa cəhd etdiyini göstərən digər maddi sübutlar aşkar edilib. Təhlükəsizlik qüvvələri bu raketlərin yığıldığı emalatxana da tapıblar.
Ordu qeyd edib ki, şübhəlilər keçən həftə bu raketlərdən birini İsrail ərazisinə atmağa cəhd ediblər. (Tass)