İsrail qüvvələri respublikanın cənubunda yolları və dağıntıları İsrail atəşindən təmizləyən Livan ordusunun maşınlarına hücum edib. Bu barədə Livan ordusunun X-də yaydığı bəyanatda bildirilir.
Məlumata görə, hadisə Əl-Mansuri şəhərində baş verib. Hadisə nəticəsində Livan ordusunun bir əsgərinin yaralandığı iddia edilir.
Bir gün əvvəl ərəb mediası yəhudi dövlətinin silahlı qüvvələrinin Livanın cənubunda bir sıra hava hücumları təşkil etdiyini bildirmişdi. Əl Mansuri kəndi yaxınlığında üç hava hücumu və artilleriya atəşi qeydə alınıb, Tir şəhəri yaxınlığında yerləşən Burc əl-Şimali kəndinə isə ən azı dörd hava hücumu edilib. Livan hökumətinin məlumatına görə, hücum nəticəsində ən azı dörd nəfər yaralanıb. (Tass)