İsrail polisi yüksək vəzifəli İsrail hökumət məmuruna sui-qəsd planlaşdırmaq üçün Fələstin radikal hərəkatı HƏMAS-a qoşulmağa cəhd edən 29 yaşlı israilli kişinin həbs olunduğunu elan etdi. Bu barədə polisin mətbuat xidməti məlumat yayıb.
Bəyanatda deyilir: “Baş Təhlükəsizlik Xidməti, Şimal Rayon Polisi və İsrail Sərhəd Polisi yüksək vəzifəli bir hökumət məmuruna hücum da daxil olmaqla, terror fəaliyyətlərini davam etdirmək üçün HƏMAS-a qoşulmağa cəhd edən Nazaret sakinini həbs edib”. Ynet-in məlumatına görə , həmin şəxs İsrailin milli təhlükəsizlik naziri İtamar Ben-Qvirə qarşı sui-qəsd planlaşdırırdı.
Polisin mətbuat xidməti qeyd edib ki, həbs olunan şəxs İsrailin şimalındakı Nazaret şəhərinin sakinidir. Agentlik əlavə edib ki, “21 iyulda istintaq başa çatdıqdan sonra Şimal Rayon Prokurorluğu ittiham irəli sürmək üçün vəsatət qaldırıb”. (Tass)