İsrailin müdafiə naziri İsrael Katz yaxın günlərdə İranla müharibənin yenidən başlamasının mümkün olduğuna inanır.
Katz İsrail jurnalistləri üçün keçirilən brifinqdə bildirib ki, “Elə sabahdan etibarən İranla müharibə vəziyyətində ola bilərik. Siyasətimizi bir daha təkrarlayıram: əgər İran İsrailə raket atsa, İsrail İrana güclə zərbə endirəcək. Bu, bir neçə gün ərzində baş verə bilər. İsrail Müdafiə Qüvvələri bunu gözləyir və yüksək hazırlıq vəziyyətindədir”. Onun sözləri Ynet portalı tərəfindən sitat gətirilib.
İsrail Müdafiə Nazirliyi rəhbərinin sözlərinə görə, “İranla yenidən müharibə üçün iki ssenari mövcuddur”. “Birincisi, [Amerika lideri Donald] Trampın Tehranla danışıqların tükəndiyinə və hücum etmək qərarına gəlməsi, ikincisi isə İranın İsrailə hücum etməsi”, – deyə o bildirib və qeyd edib ki, İsrail “Prezident Trampa seçdiyi yolda mane olmaq istəmir”. Lakin, “İran hücum edərsə, Üçüncü İran müharibəsi olacaq”, – deyə Kats davam edib. Müdafiə Nazirliyi rəhbərinin sözlərinə görə, İran İsrailin Livana hücumlarına cavab olaraq İsrailə hücumları xüsusi olaraq nəzərdən keçirir. (Tass)