Kolumbiya Nümayəndələr Palatasının (parlamentin aşağı palatası) sədri Qloriya Arizabaleta prezident Qustavo Petronun 21 iyun tarixinə qədər vəzifəsindən kənarlaşdırılmasını əmr edib. Bu barədə Kolumbiyanın El Tiempo” qəzeti məlumat yayıb El Tiempo” qəzeti məlumat yayıb.
Nəşrin məlumatına görə, bu qərar ehtiyat tədbiri kimi qəbul edilib. Komissiyanın digər üzvlərinin “El Tiempo”ya verdiyi müsahibədə qeyd etdiyi kimi, dövlət başçısına qarşı oxşar təşəbbüslər əvvəllər də nəzərdən keçirilmiş, lakin hər dəfə onların hüquqi qüvvəsi və legitimliyi ilə bağlı şübhələr səbəbindən rədd edilmişdir.
9 iyun tarixində komissiya Petroya qarşı siyasi kampaniyalarda mümkün qanunsuz iştirakına görə iki intizam təhqiqatı başlatdı. Araşdırmalar prezidentin Kordova departamentində müxalifətə hücum edən çıxışı da daxil olmaqla, ictimai bəyanatlarından irəli gəlirdi.
Kolumbiyanın Dövlət Şurası əvvəllər dövlət başçısına davam edən seçki prosesinə müdaxilə etməyi qadağan etmişdi, lakin Petro bu məhdudiyyətlərə məhəl qoymamışdı. Seçki kampaniyası qadağası prezidentin ictimai çıxışlarına, rəsmi hökumət televiziya və radio kanallarındakı verilişlərinə və rəqəmsal platformalardakı nəşrlərinə şamil edilir. (Tass)