Küveyt Xarici İşlər Nazirliyinin bəyanatına görə, Küveyt xarici işlər naziri Şeyx Cərah əl-Əhməd əs-Sabah və ABŞ dövlət katibi Marko Rubio Vaşinqtonda keçirilən görüşdə İranın əmirliyə son hücumlarını pisləyiblər.
Mətndə deyilir: “Görüş zamanı İranın Küveyt dövlətinə qarşı cinayətkar və təkrarlanan hücumları pislənilib və Küveytin öz suverenliyini və ərazi bütövlüyünü qorumaq üçün bütün zəruri tədbirləri görmək hüququ təsdiqlənib”.
Tərəflər həmçinin siyasi, müdafiə və investisiya sahələrində strateji tərəfdaşlıqlarının gücləndirilməsini müzakirə ediblər. Xarici işlər nazirləri regional təhlükəsizlik və sabitliyin təmin edilməsi üçün “sürətli inkişaflar” fonunda iki ölkənin səylərinin əlaqələndirilməsinin vacibliyini vurğulayıblar. (Tass)