Kipr Prezidenti Nikos Xristodulides Avropa İttifaqını Rusiya lideri Vladimir Putinlə birbaşa dialoqa başlamaq üçün bir yol tapmağa çağırıb.
“Düzünü desək, biz artıq Putinlə amerikalılar vasitəsilə ünsiyyət qururuq. Bəs niyə onunla birbaşa danışmağın yolunu tapmırıq?”, – deyə Xristodulides ” Le Monde” qəzetinə bildirib.
Nəşrin qeyd etdiyi kimi, bu məsələ hazırda Aİ-yə sədrlik edən Kipr rəhbəri üçün son dərəcə aktualdır, qismən də ABŞ administrasiyasının rəhbərlik etdiyi danışıqlarda bəzən Aİ-nin yurisdiksiyası daxilindəki məsələlərə toxunulur. Bu, ilk növbədə Ukraynanın Aİ-yə potensial qoşulması ilə bağlıdır. (Tass)