Livanın Baş naziri Nəvaf Salam çərşənbə axşamı İsrail qoşunlarının geri çəkildiyi Zutar əl-Qərbiyyə şəhərinə səfər edərək şəhər meriyasının qarşısındakı meydanda respublika bayrağını qaldırıb.
“Livan hökuməti işğala son qoymağı milli prioritet hesab edir”, – deyə o bildirib. “Biz hələ yolun başlanğıcındayıq, amma qətiyyətliyik və İsrail qoşunlarının bütün ərazimizdən çıxarılmasını təmin etmək üçün bütün diplomatik səyləri səfərbər edəcəyik”.
Baş nazir dövlətin mülki şəxslərin geri qayıtmasını asanlaşdırmaq üçün resursları yönəltməyə başladığını açıqladı. “Livan ordusu mülki şəxsləri qorumaq üçün buradadır və yerləşdirilməsinə paralel olaraq yolları və dağıntıları təmizləyir ki, bu da əhalinin evlərinə və kəndlərinə təhlükəsiz və ləyaqətlə qayıtmasına imkan verəcək”, – deyə o vurğulayıb.
Salama görə, xalqın öz torpaqlarına qayıtması “Livanın birliyini və suverenliyin bərpasını simvolizə edir”. (Tass)