İş adamı Elon Musk Reuters-i ən pis xəbər agentliyi adlandırıb.
“Reuters ən pisdir”, – Mask X-də yazıb. O, agentliyin Maskın əvvəllər nəzarət etdiyi Hökumətin Səmərəliliyi Ofisinin (DOGE) ləğvi ilə bağlı elanını saxta adlandıran postu şərh edib.
Daha əvvəl Reuters agentliyi ABŞ Hökumətinin Personal İdarəetmə İdarəsinin rəhbəri Scott Kupor-a istinadla DOGE-nin səlahiyyət müddəti başa çatmasına 8 ay qalmış ləğv edildiyini bildirmişdi. Agentliyin məlumatına görə, ABŞ-ın Personal İdarəetmə İdarəsi ləğv edilmiş agentliyin bir çox funksiyalarını öz üzərinə götürüb.
İnauqurasiyadan qısa müddət sonra ABŞ prezidenti Donald Tramp hökumət bürokratiyasını azaltmaq və bürokratiya ilə mübarizə aparmaq üçün bir sıra tədbirləri elan etdi. O, həmçinin Maska agentliyin hökumətin səmərəliliyini artırmaq səylərinə nəzarət etməyi tapşırıb. (Tass)