Litva Prezidenti Gitanas Nausėda Litvanın 2027-ci il Avropa İttifaqı Şurasına sədrliyi üçün prioritetlərini açıqladı. Prezidentin mətbuat xidmətinin məlumatına görə, Litva lideri onları Litva Dövlətçiliyinin Bərpası Gününü qeyd etmək üçün Vilnüsə səfər edən Avropa Parlamentinin prezidenti Roberta Metsolaya təqdim edib.
O qeyd edib ki, “Litvanın prioritetləri təhlükəsizlik və müdafiənin gücləndirilməsi, Ukraynaya hərtərəfli dəstək, Aİ-nin genişlənməsi, rəqabət qabiliyyətinin və innovasiyanın stimullaşdırılması, demokratik dayanıqlığın və sosial sabitliyin gücləndirilməsi olacaq”.
Aİ-nin şərq qonşularını da əhatə edəcək şəkildə genişlənməsindən danışan Nausėda, Ukraynanın 2030-cu ildən gec olmayaraq Aİ-nin tamhüquqlu üzvü olmasını və Ukrayna ilə Moldovanın üzvlüyə doğru birlikdə irəliləməsini təmin etmək üçün danışıqların və siyasi qətiyyətin davam etdirilməsinin vacibliyini vurğulayıb.
Litva 2027-ci ilin birinci yarısında Aİ Şurasına sədrlik edəcək. (Tass)