Polşa hakimiyyəti 2026-cı ildə kütləvi sığınacaq tikintisi proqramını həyata keçirməyə başlayacaq. Bu barədə jurnalistlərə daxili işlər naziri Marçin Kervinski bildirib.
Kervinski nazirliyin sosial mediasında yayımlanan mətbuat konfransında bildirib ki, “Bu il sığınacaqların tikintisi və təcili vəziyyətdə vətəndaşları qəbul etmək üçün tələb olunan standartlara cavab vermək üçün təkmilləşdirilməsi prosesinə başlamaq istəyirik”. Nazir əlavə edib ki, hökumət 2026-cı ildə mövcud sığınacaqların təkmilləşdirilməsi üçün 2,4 milyard zloti (680 milyon dollar) ayırıb.
Polşa hakimiyyəti 2025-2026-cı illər üçün sığınacaqların tikintisi və təmiri üçün yerli hökumətlərə 5 milyard zloti (1,4 milyard dollar) ayırıb. Təşəbbüs əsasən ölkənin şərq hissəsini, Şərq Qalxanı istehkam xəttinin tikildiyi ərazini, eləcə də digər “yüksək riskli” əraziləri əhatə edir.