Rusiya, Belarus və bəzi digər ölkələrin vətəndaşları 1 noyabrdan etibarən Monteneqroya daxil olmaq üçün viza almalıdırlar. Bu barədə respublikanın Xarici İşlər Nazirliyi məlumat yayıb.
“Monteneqro viza siyasətini Avropa İttifaqının siyasəti ilə tam uyğunlaşdırıb və bununla da danışıqların yekunlaşdırılması üçün son məqamlardan birini yerinə yetirib. 23 iyul 2026-cı ildə Monteneqro hökuməti viza qaydalarını dəyişdirmək barədə qərar qəbul edib. Bu qərara əsasən, Monteneqro və Avropa İttifaqının viza rejimləri arasında uyğunsuzluq yaradan ölkələrin (Belarus, Çin, Rusiya, Səudiyyə Ərəbistanı və Türkiyə) vətəndaşları 1 noyabr 2026-cı il tarixindən etibarən Monteneqroya daxil olmaq üçün viza tələb edəcəklər”, – deyə ölkənin Xarici İşlər Nazirliyi Monteneqro Radio Televiziyasının sorğusuna cavab olaraq bildirib.
Xarici İşlər Nazirliyi əlavə edib ki, Rusiyada Monteneqro vizaları üçün müraciətlər yalnız respublikanın Moskvadakı səfirliyində deyil, həm də VFS Global viza mərkəzlərində təqdim edilə bilər. (Tass)